Tysdag 15. desember deltok Primærnæringsutvalet i Midt-Gudbrandsdal på kommunestyremøte i Nord-Fron for å presentere stoda i landbruket i Midtdalen.

Leiar i utvalet, Petter Spjotum, la fram statistikk som syner utviklinga i landbruket. Generelt kan ein seie at det har vorte færre og større bruk. I tillegg informerte han om utfordringar, moglegheiter og verdiskaping. Les presentasjonen her.

Øyvind Sandvoll, som er gardbruker i Sødorp, fortalde deretter korleis han opplev å drive som kjøtt- og mjølkeprodusent. Han la blant anna fram tal frå rekneskapen sin og forklarte forholdet mellom prisar, tilskot, kostnader og overskot.

I løpet av vinteren/våren 2009 skal Primærnæringsutvalet halde tilsvarande presentasjon for kommunestyra både i Sør-Fron og Ringebu.